年紀大，機器壞.......現在的記憶力相對以前仍出外上班的時期實在差了很多，其實要記的事項同樣多和繁鎖，只是範疇不同而已。
以前記的是每季的style no., 每個style的數量、貨期，布的組織、封度和價錢，還有lab test的結果，落貨期，樣辨的批核情況等等.....(通當會有4季的資料在手，eg. 春季落貨，夏季開始生產大貨，秋季是批辨階段，而冬季則在報價)可想而知要記的實在很多很多。
現在要記的是少爺們的考試默書日期、範圍，課外活動時間和地點，還有他們的覆疹日期，採排和演出日期、地點......
以前記憶力好，很多資料也不用寫下來，只要看過兩遍便能夠牢牢記住，但現在卻一定要寫下來，否則會忘記得一乾二淨，試過有次大少要晨早到疹所空肚抽血，但我竟當那天無事發生，一直至黃昏才猛然醒覺...唯有尷尬地打電話到疹所改期。
5 則留言:
見你個calenda, 就知你d 少爺既活動唔算太多.
尋日響反斗城聽到2個c9既對話
a:你可以買呢個比你個女玩喎, 好岩佢
b:唉, 佢邊有時間
a:咁星期六,日都有啦
b:緊係無啦, 七日都有野學, 一場完左趕另一場, 訓覺都無時間, 何況玩.
我心諗, 駛唔駛呀, 換轉係你都想抖下啦. 真係戥呢個小朋友慘.
呢d就係兔太太上次講果種家長，驚個仔/女學少一樣會輸，唔夠競爭力，其實小朋友太多野學會好辛苦，不如集中幾樣佢自己鍾意反而更有意思
以前大少都學好多架，不過升上p.5之後cut左好多，始終要讀好d書
其實重有好多常規活動我無寫低，eg. 星期二去琴行上堂，星期六返樂團和功夫班，而哥哥就星期六上午回校小組練習，下午返樂團...星期日就打rugby...到cc大個你就知啦
重有呀，哥哥逢三、五田徑訓練，而星期四就係學校中樂團....佢個班主任都講過：嘩，重忙過我地大人呀！
可能做家長就係會矛盾，又怕佢辛苦，又想佢多才多藝，學o既野又想多樣化一點...其實學一樣野要學得好已經好花時間...我中學開始學琴，就係去琴行練琴同做功課都用完d時間，仲要spare一d出來睇電視，聽收音機(那時興周慧敏同黃凱芹)，煲電話粥，同埋幫老媽做家務...真係好彩我老媽子無錢俾我學野...唔係死都唔掂！
我學笛個老師有個學生要學4種樂器，我聽到那o靚仔個亞媽次次都話佢無練熟，我心諗，亞姐，你試下一星期練4種樂器啦！一日一個鐘就已經4個鐘，咁唔駛做功課讀書o架...唔駛食飯瞓覺o架？真係笑爆咀...
係，我身邊都有呢種阿媽，成日同我地講個仔成績跌左，又無心機溫書，但佢唔諗下佢個仔一星期七日都有課外活動，真係年中無休，重要係操水打波呢d消耗體力活動，玩完返屋企當然係到覺啦，重點會溫書....同佢講左幾年如果為阿仔好就要cut部份活動，點知不減還加，吹漲！
發佈留言