這陣子沉迷做口金，這個家已被冷落了一段時間......
舊的眼鏡已用了差不多5年，應該是時候更換，再加上近來做口金需近距離釘縫布片、上口金框，舊的眼鏡看近時總是矇查查，應該是老花了！
驗眼之後，視光師對我說我跟本沒有老花，反而是舊眼鏡的度數過深，所以令我近看時會矇查查，更甚的會令我頭痛(說真我從沒有因為舊眼鏡的過深度數而頭痛，難道我有病@_@)新的眼鏡左眼減了50度近視，右眼則減了75度散光，視光師叮囑，眼睛需要約3-4天適應新眼鏡，這段時間就算有任何不適也千萬不要戴回舊眼鏡。可是，新眼鏡把所有的景物也縮小了很多倍，害我今早到日本城買瓦煲時良久也下不了決定，因為我跟本不能判斷想買的那個煲是比家中的大還是小，脫下眼鏡數次再看也幫不了多少，這個情景很好笑吧！於是草草買了一個我心想比家中那個大的煲回家，噢，原來容量是一樣的，看來，我眼界也很準呢！
8 則留言:
你咁搞笑, 度數反而少左既! 我個眼鏡, 帶左8年啦, 仲未捨得去換!
....你兩個點解可以一個眼鏡戴咁耐？我個眼睛戴o左兩年，框上d 紫色就快無晒變o左銀眼鏡....
牛太，我d度數其實由我開始做c9開始就慢慢減，可能因為唔使望咁多電腦.....你同一個眼鏡戴左8年，你有無去驗下眼呀，可能度數已經有變喇
兔太，我個舊眼鏡係無框架，而兩支臂同鼻樑又包左膠，所以完全無變化，唯一係鏡片囉，係遇紫外光會變色果種，久而久之，鏡片在無紫外光的情況下也不能還原，帶d黃色，令人覺得好謝好憔悴，所以的起心肝換左佢
我果眼鏡同生蠔果個一樣架, 無框, 鈦金, 所以無問題. 我響今年年中去左換鏡片, 度數無變呀. 8年前框連鏡要$1600, 戴左咁多年, 乜都抵返.
哈哈，原來我地都用Silhouette....真係貴買平用架
喂, 無框o既螺絲位唔會鬆咩？我以前曾配過無框(...一定係cheap野...幾百蚊連埋鏡個d)戴戴下個d柄同塊鏡連d o既螺絲位就滑啞, 個鏡片固定唔到focus....最近又想配番副無框o既...其實3個月前配o左副膠框(仲俾人叫唔准戴返工呢...)，但越戴就覺得越重...始終我睜開眼戴到閉上眼個一刻...好鬼攰....
silhouette全副都無螺絲架，好就好在呢度，一定唔會有你講問題，重有，佢係鈦金屬，好有彈性，點屈都唔爛....唔係幫佢賣廣告，貴就貴d，但真係好野黎，你去睇下，我見佢有出新款，不過我而家窮，負擔唔到咁貴眼鏡，但一定會留番個舊框，第日有錢就去配過對鏡
我響旺角一間眼鏡廠配鏡片, $250超薄不過無漸變色. 等我星期一返工搵個電話比你.
發佈留言