今早想不到晚餐的菜式，又不想是但把雪櫃內的材料「炒埋一碟」，於是到超市買了一隻冰鮮芝麻雞，用調味料和雜香草醃了約4.5小時，然後放進焗爐，焗好後再在雞面掃一層蜜糖，再放入爐多焗一會便成，其實就像bbq那樣吧！
之前做過鹽焗雞，雞肉較鞋，因此今次我也沒抱太大期望，但相反這雞卻為家中各人帶來驚喜，就算是雞胸，肉質也很嫩滑，雞皮很香脆，大少爺和大老爺不停地讚賞，he he! 以往我只會用香草醃雞翼，但原來醃全雞的效果也非常好。而最重要的是，雞油會於焗的過程中流失，吃的時候不會像白切雞那樣，皮與肉之間有一層厚厚的肥膏，因此要用蒸架承起雞來焗，便不會變成油浸雞！
9 則留言:
哈哈哈... 我諗起... 個雞頭...
我將斬既過程覆述左一次比兩位少爺聽，佢地聽完覺得好好笑呀....
mrs. ip,
實情係我好驚個雞頭同條頸，牛太太知道我要斬去雞頭時就嚇我，話個雞頭會在夜晚來找我尋仇.....
賣相好好好吸引呀! 你果朝同我講時, 我都無唸到效果會咁好, 攪到我都心思思....
不過係咪要焗好耐?
喂! 我無話夜晚&尋仇呀, 冤枉呀!!! 我只係係咁show 個雞頭公仔出黎咋...頭先牛生問我做乜對住個mon 響到笑, 我將果朝我地既對白講比佢聽, 仲要show 埋個公仔比佢睇, 佢都笑到收唔到聲.
大食怪，
一於整啦，原來真係好好味架，我覺得比雞翼重好味添呀
又唔係焗好耐咋，我斷估無痛苦?做法係：
250度preheat，250度入爐10min., 調低到200-220度焗多10min, 由於我用筷子未可以完全插穿雞腿位，又因為呢個時候皮已經相當深色，於是再調低至180度，再焗多5min....掃完honey之後就隨意啦，我於入爐後去炒左碟菜，出爐就岩岩好喇
牛太太，
我又老人癡呆發作tim...he he
我估我地再chat耐d，d話題會令牛先生笑到飽添呀
你隻魔鬼... 我買左隻雞la, 過2日整. 好彩我地都係d "平價"c9, 否則, 你地真係魔鬼教主.
記得將部份調味料/汁液放進雞肚內醃，雞會入味d架
醃左啦, 聽晚返黎焗好就有得食, yeah!
發佈留言