細少爺居然第二次出水痘@____@
其實上兩個星期已經發過一次燒，身上亦出現少量紅點，醫生當時已懷疑是水痘，但由於細少於4歲時已出過一次，理應終身免疫，但醫生說有例外，而他亦遇過出三次水痘的病人，因此叫我留意，幸好那次只是皮膚敏感！
至於今次病發，是完全在我和醫生的意料之外。細少爺是愛吃而又大吃之人，前日放學吃午飯時胃口比平日差，黃昏便開始微燒，吃過退燒藥後便睡覺去；昨天早上見醫生時，亦只說他是喉嚨發炎，而身上的數點紅點亦只是皮膚發炎；怎料今早起來，他臉上長了約10粒泡泡，而身上的泡泡卻多得很，而且有水，有些更破了，於是又帶他見一次醫生.....醫生說細少爺很幸運，因為出兩次水痘的人的比例很少，就等如中兩次六合彩頭獎一樣，現在要放7天病假，細少說留在家很悶，很想返學！
4 則留言:
下, 乜原來會咁架? 咁第二次會唔會比第一次嚴重架? 定係已經有抵抗力會輕微d?
我反而乜都未出過!
佢(即係你都)咪無得出街law? 好悶喎..
佢今次同上次差不多啦，上次都已經出得好勁，老人家說，出得勁至好，因為可以一鋪清晒。今日第二日，水痘陸陸續續出現，而且很大粒，為了令他較舒適，要煲薏米水飲和用芫茜水沖身，總之小朋友有病，做阿媽就最忙，我更不幸地被他傳染，喉嚨痛得像被火燒一樣，吃過藥後又飄下飄下咁....幸好我兒時已出過水痘，應該免疫喇。
係架，無得出街，因為水痘屬傳染病，患者最好留在家中，悶都無辦法啦！
我就被迫放棄整wedding cake，明天唯有托大老爺把水晶天鵝送到新人手裡。
如果你未出過，可考慮打水痘針，因為大人出水痘會比小朋友辛苦百倍。至於細少，佢今次出完之後，我都會要求醫生為他打水痘針，因為我唔想佢出第三次呀！
而家打水痘針要幾多錢？我記得大少爺10年前打盛惠600大元，那時水痘針剛面世，所以好貴。
但到細少爺想打針時，佢就出第一次，本來以為可以慳番，勢估唔到會出第二次.....
我細佬5年前出水痘時亞媽叫我去打...應該都係5、600咁...所以我無打
發佈留言